Sosial müştərilər öz təcrübələrini və aldıqlarını dostları, ailələri, hətta yad insanlarla istər şəbəkədə, istər oflayn rejimdə bölüşməyi sevirlər.

Onlar tez-tez fikir formalaşdırarkən digərlərinin təşəbbüsünü ələ alırlar, bəyəndiklərinə və ya bağlılıq hiss etdiklərinə bənzər formada danışanda və ya hərəkət edəndə hiss etdikləri aidiyyət duyğusundan zövq alırlar.

Sosial müştərilər alış-verişdən əvvəl və sonra digər insanların rəylərini və şərhlərini eşitməyi sevirlər – onlar istənilən insanla ünsiyyət qura bildikləri üçün məhsullarınızı və xidmətlərinizi kimə məsləhət görəcəklərini heç vaxt öncədən təyin edə bilməzsiniz. Lakin ehtiyatlı olun: onlar məyus olsalar və ya narazı qalsalar, bunu da dərhal bütün dünya ilə bölüşəcəklər.

Ünsiyyətcil müştərilərin xüsusiyyətləri

• Sosial yönümlü
  
• Rəylərdə dürüst
  
• Fərdi yanaşmaya ehtiyac duyan
  
• Trendlərə və yeni məhsullara yönələn
  
• Müştəri təcrübəsinə dəyər verən
  

Onların diqqətini necə cəlb etməli

• Onlar başqalarının sizin məhsullarla və ya xidmətlərlə bağlı elədiklərini, hiss etdiklərini əks etdirən fotolar və ya rəylər görməyi sevirlər. Əgər kolleqalarının əksər hissəsi məsləhət görürsə, bu alış-verişi edərkən özlərini daha inamlı hiss edəcəklər.
  
• Siz doğru yerdə, doğru mesajla olmalısınız.
  

Sosial müştərilər faktlara yox, hisslərə əsaslanaraq alış-veriş edirlər. Siz onların fikirlərini dəstəkləyən və ya sizi onların şəbəkəsinin bir hissəsinə çevirən şeylər yazmalı, danışmalı və deməlisiniz. Siz onların qeydinə qaldığı, heyranlıq duyduğu və ya izlədiyi şeylərlə əlaqəli olmalısınız.

• Onların dünyasının bir parçası olmaq – onların və əhatələndikləri insanların stilini və dəyərlərini təbliğ etmək.
  

“İcmalar mənim üçün vacibdir. Mən sizin fikrinizə hörmət edirəm və öz fikrimi bildirmək azadlığına sahib olmaq istəyirəm”.

Onlara alış-verişdə kömək edin

• Bu müştərilər üçün özlərini qrupun bir hissəsi kimi hiss etmək vacibdir deyə, sizin də onların əlaqəli olmaq istədiyi qrupun bir hissəsi kimi identifikasiya olunmağınız lazımdır.
  
• Buna müştəri bazanıza, yerinizə, çeşidinizə və ya inanclarınıza vurğu edərək nail ola bilərsiniz – məsələn, etik və davamlı dəyərləriniz sosial müştəri üçün əhəmiyyətli stimul ola bilər.
  
• Əgər onlar sizinlə əlaqə qururlarsa, onları bacardığınız qədər işə cəlb edin: fikirlərini soruşun – özlərini sizin biznesinizdə, prosesdə, məhsulda iştirakçı kimi hiss etsinlər, axı onlar bağlılıq hiss etmək üçün münasibət qurmaq istəyirlər.
  

Onları necə itirə bilərsiniz

• Brend dəyərlərə malik deyil
  
• Fakt çox, emosiya isə azdır
  
• Biznesdə insani tərəf yoxdur